Դեյվիդ Բրոյեր-Վեյլ

Բրիտանացի քանդակագործ Դեյվիդ Բրոյեր-Վեյլը հայտնի է իր մոնումենտալ նկարչությամբ և բրոնզաձույլ քանդակներով:

1965 թվականին Լոնդոնում ծնված Դևիդ Բրուեր-Վեյլը աշխատում է մոնումենտալ մասշտաբներով` ստեղծելով նկարներ և բրոնզե քանդակներ, որոնք ուսումնասիրում են մարդկային վիճակը և վերաիմաստավորում են մարմինների և շրջակա միջավայրի միջև հարաբերությունները։

Գաֆէսճեան արվեստի կենտրոնի արտաքին հարթակներից առաջինում ցուցադրված «Այցելուն» (2011) հատուկ պատվիրված է Ջերարդ Լ. Գաֆէսճեանի կողմից հենց Կասկադ համալիրի համար: Այն նկարչի բրոնզե գլուխների շարքից առաջինն է։ Գլուխը, կարծես, մասամբ ընկղմված է ջրի ավազանում, ինչը հուշում է այն մասին, ինչ նկարիչը նկարագրում է որպես «մարդկության կղզի»: Դիտողին առաջարկվում է պատկերացնել նրա ողջ մարմնի մնացած մասը։ Նկարչի մատնահետքերը քանդակի մակերեսին մեծացվել են՝ ընդգծելով արվեստագետի ֆիզիկական կապը ստեղծագործության հետ, որը ենթադարաբար հեղինակի ինքնադիմաքանդակն է։