Կոլեկցիոների ներաշխարհում

Իր ողջ կյանքի ընթացքում Ջերարդ Լ. Գաֆէսճեանը մեծագույն նվիրումով զբաղվել է իր հավաքածուի ստեղծմամբ` դրանում ներառելով նաև այնպիսի գործեր, որոնք թերևս դուրս են ժամանակակից արվեստի շրջանակներից: Նրա բազմազան հետաքրքրությունները ներկայացված են «Արծիվ» պարտեզի սրահում «Կոլեկցիոների ներաշխարհում» մշտական ցուցադրությունում: Թեև ցուցադրվող նմուշներից ոչ բոլորն են արվեստի գործեր, դրանք, առանց բացառության գրավիչ են, երբեմն` հետաքրքրաշարժ, հաճախ զվարճալի, և որոշակի ներընկալում են տալիս այս աշխատանքները համալրող անձի մասին: Ցուցադրությունում ներկայացված է ստեղծագործությունների էկլեկտիկ հավաքածու. այդ թվում` 28 ոտնաչափ նավի մոդելը, նավ, որի վրա պարոն Գաֆէսճեանը ծառայել է Խաղաղ օվկիանոսում Երկրորդ Համաշխարհային պատերազմի տարիներին, ինչպես նաև` 1906թ. թողարկված հազվագյուտ N Ford Runabout մակնիշի ավտոմեքենա և Վաբաշ շոգեքարշի աշխատող մոդելը:

Տեսաշար