Եվրոպական Ժառանգության օրերը Գաֆէսճեան արվեստի կենտրոնում

Գաֆէսճեան արվեստի կենտրոնը, Եվրոպական ժառանգության օրերի շրջանակներում, հրավիրում է մասնակցելու հետևյալ միջոցառումներին. 

*  Սեպտեմբերի 27 ժամը 19:00 
   ԳԱԿ Հատուկ միջոցառումների սրահ.

«Հանդիպում արվեստի հետ» ծրագրի շրջանակներում տեղի է ունենալու դասախոսություն-քննարկում՝ նվիրված Գաֆէսճեան արվեստի կենտրոնի ցուցադրություններին, նոր արվեստանմուշներին և ներկայացված արվեստագետներին: 
Միջոցառման մուտքն անվճար է` նախնական գրանցմամբ: Տեղեկությունների համար զանգահարել 541932/34:  

*  Սեպտեմբերի 28 ժամը 19:00  
    Գաֆէսճեան քանդակների պարտեզ

Գաֆէսճեան արվեստի կենտրոնը և «Կարին» ավանդական երգի-պարի համույթը հրավիրում են բոլոր ցանակացողներին՝ սովորելու հայկական ավանդական պարեր: Սեպտեմբերի 28-ին ծրագրված երեկոն վերջին նման միջոցառումն է լինելու այս տարի: 
Շտապեք մասնակցել:

*  Սեպտեմբերի 29 ժամը 20:00
    ԳԱԿ Հատուկ միջոցառումների սրահ

Աղվան Պապոյան սոուլ նվագախմբի համերգ: Երաժշտական երեկոյի շրջանակներում կներկայացվեն միջազգային հայտնի երգեր, այդ թվում եվրոպական հիթեր. սոուլ, ջազ, բլյուզ: Տոմսերի ամրագրման և մանրամասն տեղեկությունների համար խնդրում ենք զանգահարել (010) 56 72 62:

*  Սեպտեմբերի 29-30-ը  ժ.10:00-ից մինչև 20:00

Գաֆէսճեան արվեստի կենտրոնն անվճար կլինի բոլոր այցելուների համար: Այդ երկու օրերի ընթացքում ժամը 
16:00-ին կկազմակերպվեն անվճար էքսկուրսիաներ Գաֆէսճեան արվեստի կենտրոնում:
Մասնակցությունն անվճար է՝ նախնական գրանցմամբ: Տեղեկությունների համար զանգահարել 541932/34:  

* Սեպտեմբերի 30¬-ին կատարեք Ձեր տոնական գնումները ԳԱԿ-ի Թանգարանի խանութում 10% զեղչով: Նշենք որ ԳԱԿ-ի անդամների համար գործում է 20% զեղչ Թանգարանի խանութից ձեռք բերված ողջ տեսականու համար (բացառությամբ հայկական արվեստի տեսականուց):