Եվրոպական ժառանգության օրեր 2025

Եվրոպական ժառանգության օրեր 2025.

«Ճարտարապետական ժառանգություն. պատուհաններ դեպի անցյալ, դռներ դեպի ապագա»
 

Գաֆէսճեան արվեստի կենտրոնում (ԳԱԿ) Եվրոպական ժառանգության օրերի շրջանակներում նախատեսվող միջոցառումների ցանկ, սեպտեմբերի 27-28, 2025թ․

Սեպտեմբերի 27, 28

Ժամը՝ 10։00 - 20:00

«Կասկադը հիշողության մեջ» ցուցադրության վերադարձ

Ցուցադրությունն առաջին անգամ տեղի է ունեցել 2011 թ. մայիսին: Այն բացահայտում է էջեր Երևանի անցյալից՝ արխիվային լուսանկարների օգնությամբ հիշեցնելով այսօր Գաֆէսճեան արվեստի կենտրոն (ԳԱԿ) դարձած Կասկադ համալիրի պատմությունը:

Վայրը՝ «Սասունցի Դավիթ» պարտեզի սրահ

Սեպտեմբերի 27, 28

Ժամը՝ 13:00-14։30

Շրջայց զբոսավարի ուղեկցությամբ

Այցելուները կուսումնասիրեն Կասկադ համալիրի ճարտարապետական առանձնահատկությունները։ Շրջայցի ընթացքում  նաև կներկայացվեն ԳԱԿ-ում ցուցադրվող արվեստի գործերն ու համալիրի  անբաժան մաս կազմող որմնաքանդակները։

Սեպտեմբերի 27, 28

Ժամը՝ 14:00-15:30

Կրթական ծրագիր․ «Իմ Կասկադը՝ աստիճան առ աստիճան»

(6 տարեկանից բարձր բոլոր տարիքի մասնակիցների և ընտանիքների համար)

Ծրագիրը հիմնված է «Կասկադը հիշողության մեջ» ցուցադրության վրա։

Ցուցադրությանը ծանոթանալուց հետո, ծրագրի ստեղծագործական հատվածում մասնակիցները կպատրաստեն Կասկադ համալիրի թղթե կոնստրուկցիաներ։

Վայրը՝ «Սասունցի Դավիթ» պարտեզի սրահ և Ստեղծագործական սրահ

Դիտել լուսանկարները